لوسمحتي انا تربيه فنيه بجامعه ام القرى وحتخصص في الفني السنه الجايه دعايه واعلان المهم ومره مادخلتو بمزاجي انا اصلا احب الفني ونفسي اسير فنانه وطبعا بالجامعه تعليم مو كويس بايش تنصجين بدي تعلميني سوري كترت عليكي ممكن ترسلي لي تصاميم بالصور تسير بالنول الخشبي و كمان بدي ايطارات وتكون الحروف محصوره جوتها وبدي اتعلم كيف افتح الالوان يعني الون الواحد الاساسي كيف افتحو واغمقو سوري كترت عليكي بس انا بدي استفيد وكمان اهلي محبطيني ويقولو كيف قابله بدا القسم وانااحبط ولما اشوف ابداعات البنات بالمبلر احب


أهلاً ياقمر .. 

بالنسبة ل:كيف أعلمك، هنا أمر شويه صعب لأننا نعرض أفكاراً وكيفية تطبيقها! كل ماعليك فعله هو متابعتنا والتعلم منها وتحويلها إلى أفكار وأعمال تفيدك ! 

وبيني وبينك مافيه أحسن من قوقل للتعلم ! أبحثي وأبحثي وأبحثي، وإن مليتي أفتحي يوتيوب وأبدأي شوفي كل الفيديوات اللي تطيح بأيدك عن كل المجالات وبتشوفين كيف أن المعرفة بحر كبير مرعب وجميل ورائع ومذهل !! 

لا تعتمدين على التدريس لأنه يوصل لك أساسيات المعلومة فقط، ويعتمد على الدكتورة وإختياراتها للمواضيع، لذا خوذي الأساسيات من الدراسة وتعلمي كُل شيء آخر من قوقل واليوتيوب ! 

سهلة وبسيطة وتعطيك ملايين الخيارات الشخصية للتعلم ;p 

بالنسبة للنول هنا في ويكيبيديا. “ طبعاً أخترت أنجلش عشان تعرفين المصطلحات لو حابه تدورين أشياء غريبة ±! 

وهنا قناة أمنية كمال فيها مقاطع كثيييره عن النول ! 

طبعاً اليوتيوب العربي مليان مقاطع تعليمية عن النول وأشكال وأشياء كثيرة! لو شيكتي عليه أتوقع بتتشبعين معلومات xD 

ولو تبين تدورين باترونات للنول شوفي هذي الكلمة المفتتاحية للبحث في قوقل واليوتيوب : loom patterns 

بتلقين أشياء كثيرة ^^ 

بالتوفيق  ياقمر 

image

Advertisements