تجربة شراء مكينة تطريز بالكمبيوتر Brother SE400 embroidery machine من أمازون


السلام عليكم ورحمة الله وبركاته.

اليوم سننقل لكم تجربة صديقتنا منيرة في شراء واستخدام مكينة تطريز بالكمبيوتر من أمازون.

التدوينة باللغة العامية وبإسلوبها، أتمنى أن تستمتعوا وتستفيدوا من تجربتها!

tumblr_inline_n8lbfmXS4J1roniue

Brother SE400 embroidery machine 

شراء المكينة مع كُل الأدوات الأخرى كلفتني كلها مبلغ 1557,65 ريال.
والشحن مع سمسا اكسبرس كلف 999 ريال.
بالطبع الميكنة خط 110 فولت.
ولقيت المكينة هنا بالسعودية بلحالها تكلف 2500 ريال.

طبعاً أتى مع المكينة  كم دواسه لسى مااكتشفتهم 😁 .. وكيبل يشبه كيبل الطابعه .. يوصل بين المكينه والكمبيوتر .. وكتيب تعليمات للمكينه وللتطريز

و ايطار تطريز مقاسه ٤*٤ انش .. وأشياء كثيرة بعضها ماعرفت ايش استخدامها ..
وطبعا دواسه الخياطه وسلك الكهرباء براس ثنائي ..
اكثر مايميزها غير التطريز بالكمبيوتر .. انها تدخل الخيط بالأبره عن طريق حاجه مثل الزر أنزله على تحت ويدخل الخيط. هذا غير انها تقص الخيط بنهايه الخياطه برضو بزر المقص

هذه الأدوات التي طلبتها من موقع أمازون: 

image1

مع الأسف المكينة بدون برنامج تطريز مامنها فايده الا بالتطريزات المحفوظه فيها او الحروف الانجليزيه او لما تحملون تطريزات مجانيه من مواقع ..
طبعا حفرت النت وامتلى جهازي فيروسات الى ماحصلت على برنامج اسمه brother pe design 7
للأسف ولا يجي ولا نص خصائص أحدث نسخه من هالبرنامج اللي هو PE-design10 .. ومايتحمل الا كنسخه تجريبيه
اللي اكتشفت انها ماتحفظ عملك ابدا ولاترسله للمكينه
يعني برنامج تجريبي مع وقف التنفيذ سعره بأمازون 1099 دولار .. الله يصلحه أغلى من المكينة
طبعا المكينة وبرامجها ماتدعم الكتابة العربيه ابدا .. والحل اللي لقيته انه نكتب اللي نبيه بأي برنامج تصميم صور مثل الفوتشوب ونحفظ العمل كصوره JPEG أو كمستند فوتشوب psd
ونفتحه ببرنامج تصميم التطريز ونسوي تحويل .. ويصير عندنا كلمة عربية جاهزه للتطريز 😍
يمكن أهم الأشياء اللي لازم تتوفر عشان نقدر نشتغل على التطريز على طول .. هو ورق التطريز stabilizer 
وله ٣ أنواع زي مافهمت من كذا مقطع يوتيوب شفتهم للمكينة
اللي خذته انا اللي يتمزق وينشال بالتشقيق هههه …

والشي الثاني المهم هو خيوط التطريز وطبعا لها خيوط خاصه …

اممممم يمكن ريفيو بسيط جدا قلت اللي احسه مهم واي سؤال الجوهره حوليه لي ويمكن نلقى وحده خبره تفيدنا جميعا
وهذا موقع وحده خاص بمكينتي
وهذا اليوتيوب اللي رجعت له اول مابديت اشتغل عليها

عيوبها:

طاره التطريز اللي جايه معها تعتبر صغيره نوعا ما .. وطبعا برنامج التطريز غالي .. ووقتي حاليا ادور برنامج مواصفاته حلوه وبسعر معقول

تطبيقي: 

image1-1

Advertisements