كيف أبدأ التسويق؟ التعريف عن المشروع #تسويق #كرافتي_تسوق


بدأ بالجد!
عشان نقدر ننجح في التبادل الاعلاني، اول شي لازم نهتم فيه هو صورتنا الخارجية، وفي الانترنت ( البايو ) هو وجهك 🤓! هو اساس كل شيء عنك!
الناس ( انا من ضمنهم وانتم ) بيحكون عليك من خلال ماكتبته عن نفسك في صفحتك!
وبزنس ( التعريف بالهوية ) مجال معقد لان لازم تلخص ذاتك في جملة او اقل ان امكن! وبشكل صحيح، ممتع، وغير منفر!
في الصورة الاولى حطيت بايو متجر معين لقيته فجأة بانستغرام ومباشرة كشيت منه، وماعجبني وبصراحة ماحرصت اطلب منها او حتى اشوف شغلها بتركيز لان من الاول قالت ( انا مو بحاجة لك! انت بس هواية! احمد ربك فتحت متجر 😐) أصلاً معروف ان عيال التجار هم اللي يسوون مشاريع صغيرة للطقطقة لذا مدري ليه كتبت هالجملة في حسابها بدال ما تخلينا نحاول نحبها وتشعر بالألفة لها خلتنا نخاف ونقول يمه منها شكلها عصبيه 😰!
في المثال الثاني متجر عمري ماتعاملت معه، لكن دايماً احبه واحيانا افكر اي بزر بالعائلة احبه اكثر شي عشان اطلب منه ( للاسف ماقدرت اختار واحد من اطفالي بس 😂💔)! التعريف بحسابهم لطيف خفيف سريع!
وكذلك وضعو مكانهم و(نشحن للجميع) !
شوفو كيف احساسكم وانتم تقرأون تعريفهم لنفسهم واحساسكم وانتم تقرأون التعريف الآخر! 🌝
فرق صح؟

التعريف بالحساب مهم جداً جداً جداً!
ممكن ياخذ ايام او اسابيع لصياغته، ممكن تلجأين لمتخصصين لذلك ليساعدونك
ليه؟ لأنه الانطباع الاول المهم جداً في بحر كله مفترسين سريعي الانتشار وزبائن محتملين من السهولة فقدهم عند استخدام كلمة خاطئة! — مثلاً يعني، التعريف بحسابي، ايش يخليكم تحسون فيه لما اول مره قريتوه؟

– البوست النقاشي في انستغرام مليء بالنقاشات والنقاط المهمة –